Tarihin Annabi Saleh (AS) Kashi Na (1)
Sāliḥ (Larabci: صالح) ɗan Sam ibn Nuhu (AS) annabin Samudawa. Alkur’ani ya ambace shi bayan annabawa Nuhu (AS) da Hud. Salih (AS) shi ne annabin larabawa na uku wanda sunansa ya zo a cikin surori daban-daban na Alkur’ani; amma babu ambatonsa a cikin Attaura.
Annabi Salih (AS) ya rayu shekaru 280 kuma kabarinsa na nan a makabartar Wadi al-Salam a birnin Najaf na kasar Iraki. Bisa labarin da aka samu daga majiyoyin tarihi, Allah SWT Ya zabi Salih (AS) a matsayin annabi yana dan shekara 16 kuma ya Kira mutanensa zuwa ga tauhidi. har ya kai shekara 120, amma ba su Amshi gayyatarsa ba, suka kashe Taguwarsa (Da ta fito daga cikin dutse).
Rayuwa
Salih (AS) yana cikin annabawan Larabawa, dan Sam ibn Nuhu (AS), kuma shi ne annabi na uku wanda ya Kira mutane zuwa ga tauhidi. Shi ne Annabin Samudawa, Sun rayu ne a arewacin Madina suna bautar gumaka a gaban Salih.
A cikin Alkur’ani, an ambaci sunan Salih (AS) sau 9 a cikin Alkur’ani 7, Alkur’ani 11 da wasu surori bayan annabawa Nuhu (AS) da Hud (AS). Amma, babu ambatonsa a cikin Attaura.
Salih (AS) ya rayu shekaru 280 kuma kabarinsa na nan a makabartar Wadi l-Salam a birnin Najaf na kasar Iraki.
Samudawa
An zabi Salih (AS) a matsayin Annabi yana dan shekara 16. An ruwaito cewa ya kira mutanensa zuwa ga tauhidi har ya kai shekara 120, amma ba su karbi Tauhidi ba. Salih (AS) ya ce musu, “Abu daya kawai nake roko daga gumakanku, kuma ku ma kuna iya roko daga Ubangijina, domin gaskiya ta bayyana.” Salih (AS) ya ambaci bukatarsa daga gumaka amma bai samu amsa ba. Mu*shrikai suka ce wa Salih (AS) “Ka roki Ubangijinka ya fito taguwa daga cikin dutse”, kuma abin ya faru kenan.
Kur’ani ya gabatar da Salih (AS) a matsayin annabin Samudawa wanda suka sha azaba saboda saba wa Allah. Samudawa sun kasance a bayan zamanin Adawa kuma daga larabawan Yemen. A bisa wasu tafsirin Kur’ani, Samudawa sun yi gumaka 70 don bauta.
Samūd (Larabci: ثَمود ) ƙabilar Larabawa ce da ta sha azabar Ubangiji bayan ta ki karɓar kiran Annabi Salih (AS). An ambace su a cikin Alkur’ani da cewa su mush*rikai ne kuma sun kware wajen yin gidajen dutse.
Allah ya aiko Salih (AS) domin ya shiryar da su zuwa ga tafarki madaidaici. Sun kashe mu’ujizar annabinsu wato Taguwar Salih (AS) sannan kuma aka Saukar musu da azabar Ubangiji.
Labarin kabilar Samudawa bai zo a cikin Attaura ba, amma binciken archaeological ya tabbatar da wanzuwarsu a yankunan arewacin kasar Larabawa.
Taguwa
Taguwar Annabi Salih (AS) ita ce mu’ujizar Annabi Salih (AS). Rakumin ya fito ta hanyar mu’ujiza daga tsakiyar dutse kamar yadda kafi*rai suka nema. har mutane na iya amfani da nononta, kuma an hana su cutar da taguwar, Sai dai bayan wani lokaci wasu mutane suka kashe Taguwar kuma wasu daga cikin mutanen Adawa sun yaba da matakin. A sakamakon haka ne Allah ya azabtar da mutanen Samudawa kuma ya shafe kafi*rai gaba daya.
A cikin Alkur’ani
Wasu suna daukar “Thamud” a matsayin kalmar Larabci ma’ana ruwa kadan, wasu kuma suna daukar kalmar da ba ta larabci ba. “Thamud” ƙabila ce wadda aka yi mata sunan babban kakanta. Kalmar ta zo sau 26 a cikin Alkur’ani. Wasu tafsirin Alkur’ani sun dauki “Ashab al-Hijr” (sahabban Hijr) a cikin aya ta 80 a cikin Alkur’ani ta 15 suna nufin Samudawa, suna daukar “Hijr” A Matsayin wurin da suke zaune.
Halaye
Alkur’ani ya yi ishara da kwarewar mutanen Samudawa wajen gina gidaje ta hanyar sassaka tsaunuka da duwatsu, gina gidajen sarauta a cikin sahara da kuma kasashe masu albarka. A cewar Alkur’ani, sun gina gidajensu da duwatsu.
Zaman Rayuwa
Kur’ani bai yi magana game da zamanin da lokacin da Samudawa suka rayu a cikinsa ba, amma an gabatar da su a matsayin magadan mutanen Adawa. A cikin ambaton mutanen da suka gabata da annabawa, Alkur’ani ya ruwaito labarin Samudawa bayan mutanen Adawa.
Wasu sun kira Samudawa da “Ad al-Akhira” (Ad na baya). Wasu mutane sun yi imani cewa tsarin Alqur’ani yana nufin tsarin lokaci ma. an ambaci Thamud a cikin tsoffin madogarar Tarihi, kamar yadda Akace sun rayu tsakanin karni na 8 kafin Haihuwar Annabi Isa (AS) Amma, bisa ga Ruwayoyin tarihin Musulunci, zamanin Annabi Salihu ya kasance kafin zamanin Annabi Ibrahim (AS), tsakanin Adawa da Samudawa ya kasance shekaru 500.
A wasu wurare an ce Samudawa daga zuriyar Shem dan Annabi Nuhu (AS) ne.
Allah Masani.
