Tupac Amaru Shakur wanda kuma aka sani da 2Pac ko Makaveli, ɗan wasan kwaikwayo ne na Amurka, Ana yi masa kallon daya daga cikin fitattun mawakan rap da suka yi nasara a kowane lokaci. Shakur yana cikin mafi kyawun mawakan, bayan sayar da fiye da miliyan 75 records dinsa a duk duniya.
Yawancin wakokin Shakur ana yin la’akari da su ne don magance al’amuran zamantakewa na zamani waɗanda suka addabi birane.
Mawaƙin Rap wanda ainihin sunansa Tupac Amaru Shakur, an haife shi a ranar 16 ga Yuni, 1971 a yankin Gabashin Harlem na Manhattan a birnin New York, Amurka.
Asalin Sunasa Shi ne Lesane Parish Crooks yana da Shekara Daya Aka Sa masa Suna Túpac Amaru II, Saboda Tunawa da Wani dan Gwagwarmayar kasar Peru mai suna Túpac Amaru, wanda aka kashe a ƙasar A Shekarar 1781.
Mahaifiyar Shakur ta bayyana cewa, “Ina so ya sami sunan dan juyin-juya-hali, Ina so ya san yana cikin duniya ba kawai a unguwa ba.”
Lokacin da yake karami, mahaifiyarsa Afeni Shakur ta kasance a kurkuku sakamakon tana cikin Kungiyar Black Panthers Wadda FBI Ta Dauke Ta A Matsayin Barazana.
Tupac, wanda ya kashe lokacin ƙuruciyarsa a cikin talauci, dole ne ya ƙaura kuma ya canza biranen zama tare da mahaifiyarsa har sau uku.
Ya Fara Fitowa a Wasan kwaikwayo na farko a cikin wasan (the play ‘A Grape in the Sun’ )a gidan wasan kwaikwayo na Apollo a 1983.
Ya karanci wakoki, jazz, da wasan kwaikwayo, a Makarantar Fasaha ta Baltimore. Ya kasance hazikin mawakin rapper kuma ya lashe gasa da dama a lokacin da yake makaranta.
Ya kasance abokin Mike Tyson, Marlon Wayans, Jim Carrey, Chuck D, da Rosie Perez. Ya yi aiki tare da abokan rap Snoop Dogg da Freddie Foxxx.
Tupac, wanda aka zaba a matsayin mafi kyawun rapper a makaranta, ya ɗauki wannan lakabi har zuwa duk duniya Gabadaya.
Baya ga aikinsa na kiɗa, Shakur ya kuma sami babban nasara a matsayin ɗan wasan kwaikwayo, tare da rawar da ya taka a cikin fim din Juice (1992), The Poetic justice (1993), Above the Rim (1994), Bullet (1996), Gridlock’d (1997), da Gangstas Related (1997).
Kurkuku
A lokacin aikinsa a baya, an harbi Shakur sau biyar a harabar gidan rediyon New York, kuma ya fuskanci matsalolin shari’a, ciki har da ɗauri a kurkuku. A shekarar 1995, Shakur ya shafe watanni takwas a gidan yari bisa zargin cin zarafi, amma an sake shi har sai dai an daukaka kara kan hukuncin da aka yanke masa. Bayan fitowar sa, ya sanya hannu ga kwangilar Marion “Suge” Knight’s Death Row Records kuma ya Taka Rawa sosai a cikin haɓakar hip hop Da Kuma zama kishiya ga Kamfanin Rikodin na East West Coast.
Mutuwa
A ranar 7 ga Satumba, 1996, wani maharin da ba a san ko wanene ba ya harbe Shakur har sau hudu a wata mota da ta yi harbi a Las Vegas; ya rasu bayan kwana shida. Bayan kisan nasa, abokin Shakur wanda ya koma abokin hamayyarsa, Notorious BIG, da farko an dauke shi a matsayin wanda ake tuhuma saboda rikicin da suka yi a cikin jama’a, amma kuma an kashe BIG a wani harbi da bindiga bayan watanni shida a watan Maris 1997 yayin da ya ziyarci Los Angeles.
