HAUSA
BOLA AHMED TUNUBU CAPITALIST NE (PART 2)
Capitalist na nufi mutumin da ya yarda da tsarin tattalin arziki na Capitalism kuma ya ke kallon tsarin a matsayin mafita.
CAPITALISM: Tsarin tattalin arziki ne da ya ke ba wa kowa damar shigowa kasuwa domin a dama da shi ba tare da an kayyade masa iyakar kayan da zai iya samarwa ko ribar da zai iya samu ba. Da ya ke kasuwanci alaka ce tsakanin mai saye (Buyer) da mai sayarwa (Seller) wanda bukata (Demand) kuma ita ce abin da ke haifar da alakar. Mai saye yana bukatar kaya domin ya yi amfani da su, shi kuma Mai sayarwa yana bukatar riba. Tsarin Capitalism tsari ne da ke ba wa masu bukatar sayar da ka ya cikakken damar samar da kayan kuma ya ke ba wa masu sayen kayan yancin zaben kaya daga masu sayarwa kala-kala.
Tsarin Capitalism a Gwamnatance tsari ne da Gwamnati ke ba da ikon samar da abubuwan da Yan kasa ke bukata ga kamfani ko Yan kasuwar da za su iya samarwa. Misali, samar da wutar lantarki a Nigeria.
Samar da tsayayyar wutar lantarki a Nigeria abu ne matukar wuya duba da yanayin tattalin arzikin Kasar da kuma dabi’ar mutanen Nigeria. Kudin da zai samar wa Nigeria tsayayyar wutar lantarki Nigeria ba ta da su. Sannan ko tana da su to akwai abubuwa masu yawa da za su hana a karkatar da kudin wajen samar da wutar lantarki kadai. Sannan mutanen Nigeria suna da wani Mentality na maida dukiyar Gwamnati kamar dukiyar gado. Ma’ana duk abin da Gwamnati ce ta samar to za ka ga Dan Nigeria so ya ke ya amfana da abin a kyauta. Hakan na nufin koda Nigeria za ta iya samar da wutar lantarki to Yan Nigeria ba su shirya biyan kudin wuta ba ballantana a dinga Management na wutar.
Tsarin Capitalism anan na nufi Gwamnati ta gayyato kamfanoni daga cikin Nigeria da ma kasashen waje ta ba su cikakkiyar damar samar da wuta a duk jihar da su ka ga za su iya samarwa. Misali: Gwamnan Kano zai iya ba wa Dangote damar ya samar da wuta a kano shi kuma ya ke karbar kudin wutar na wasu adadin shekaru ko kuma ma ya ci gaba da karba har illa abada, ya dai danganta da yadda aka yi Agreement. A wannan yanayi, Dangote zai yi amfani da kudinsa ya samar da tsayayyar wutar Lantarki a Kano, su kuma jama’ar Kano dole za su dinga biyan kudin wuta tunda ta kamfani ce. Idan Jarin Dangote ya yi kadan wajen iya samarwa da Kano wuta, Gwamnati za ta sake ba wa wasu kamfanonin damar kawo na su wutar. Su kuma jama’ar kano suna da zabin a cikin kamfanonin su yi amfani da wutar da tafi karfi da arha. A wanna yanayin an bar kamfanonin da su ke samar da wutar cikin gasa da juna, ta yadda kowannensu za ka ga yana kokarin samar da wuta mai karfi da arha fiye da waninsa. Su kuma jama’ar Kano a karshe za su samu tsayayyar wuta, ita kuma gwamnatin Kano kudin da ta ke kashewa akan wuta sai ta yi amfani da su wajen bawa mutane aikin yi da jarin kasuwanci ga Yan kasuwa. Idan mutane na da aikin yi kuma Yan kasuwar kano na da jari to kudin wuta ba zai dame su sosai ba.
A takaice tsarin Capitalism na nufi duk abin da Yan kasa ke bukata wanda Gwamnati ta ga ba za ta iya samarwa ba saboda wani dalili, maimakon a zauna a haka ba tare da abin ba. Sai a ba wa Yan kasuwa damar su samar da abin su sanya farashin da su ke so ba tare da Gwamnati ta kayyade masu ba. Yan kasa kuma suna da zabin su saya a hannun wannan kamfanin ko kuma su saya a hannun waninsa.
Bola Ahmed Tunubu capitalist ne: mutum ne wanda ya yi imani da idan ba mu da abu to mu nemo wanda su ke da shi su yi mana abin ya fi mu zauna babu abun. Shi ya sa za ka ga Lagos jihar Yarabawa ce amma mafi yawan kadarorin da ke cikinta na Inyamurai, Hausawa har ma da Turawa ne. Hatta a tsarin bayar da mukami, Tunubu sai ya shigar da Capitalism. Misali, idan ana bukatar Minister kwararre kuma ya ga babu a APC sai a PDP, to ba abin da zai hana Tunubu ba wa Dan PDP din nan. Idan ya ga babu a Musulmai to zai nemo a Christian ya bayar. Kai idan ya ga akwai bukatar nemo Dan Nigeria da ke wata Kasar ma to zai nemo shi ya ba shi. Kamar yadda ya yi a Lagos, mafi yawan Commissioners na shi ba yan asalin jihar Lagos ba ne.
Wannan tsari na Capitalism ba karamin taimaka mana zai yi wajen samar mana da abubuwan da idan aka ce za a jira Gwamnati ta yi to kila har abada ma ba za a yi ba. Misali a harkar karatu (Education System), maimakon jiran Gwamnati ta inganta karatun gwara mika ragamar karatun a hannun Yan kasuwa. Hakan na nufin kowacce University ta ke cin gashin kanta, ta dinga nemo kudin da za ta dauki nauyin kanta ba tare da Gwamnati ce ke biyan kudin komai ba. A wannan yanayi kudin karatu dole zai yi tsada sosai domin a makarantu za su samu kudin gudanarwa a hannun Dalibai. Na san wani zai ce to ai karatu zai gagari Dan talaka ko?
Yadda abin ya ke shi ne: Gwamnati za ta bar makarantu su sanya duk farashin da su ke so, hakan zai sanya Yan kasuwa su yi ta samar da makarantu da yawa. Yawan makarantun kuma zai sanya makarantu yin gasa da junansu ta fuskar Quality Education and Affordability. Saboda makarantun sun wadata, idan wannan ta yi maka tsada sai ka nemi wadda ba ta kai ta ba. To ba ma haka ba! Ina kudin da Gwamnati ke gina makarantu kuma ta ke daukar nauyin makarantu da su? Tun da yanzun kamfanoni ne ke gina makarantu to gwamnati za ta dinga ba wa Dalibai tallafin kudin ko kuma bashinsu (Student Loan). A karshe sai ka ga makarantu sun wadata kuma ilimi mai inganci ya wadata.
Kuma hakan zai zaburar da makarantu wajen fadada hanyoyin samun kudinsu. Misali Department na Agric za su iya samar da kamfanonin noma, haka kowanne department a makarantar dole ya samar da hanyoyin da zai dinga samar wa makarantar kudin shiga. Haka makarantun kasashen waje kamar Oxford, Harvard da sauransu su ke yi.
Ta hanyar amfani da Capitalism abubuwa da ya wa da Yan Nigeria su ke bukata za a samar da su cikin sauki da sauri. Haka mafi yawan manyan kasashen duniya da su ka ci gaba su ka yi. Amma irin wannan tsarin da yawan Yan siyasa ba sa son shi, saboda idan su ka ba wa kamfanonin da za su iya samar da tsayayyar wuta damar samarwa to da me za su dinga campaign kenan? Sannan ta ina za su dinga satar kudi kenan? Amma Alhamdulillahi Tunubu capitalist ne, da irin wannan tunani ya gina jihar Lagos kuma da shi za a mayar da kowacce jiha kamar Lagos Insha Allahu.
Mu hadu a Part 3.
ENGLISH
BOLA AHMED TINUBU: A CAPITALIST LEADER (Part 2)
A capitalist is a proponent of the economic system known as capitalism and views it as a solution.
Capitalism permits companies to enter the market and manufacture goods without any limits on the quantity they can produce or the profit they can earn. Since the relationship between buyers and sellers is such that buyers require goods while sellers require profits. Capitalism provides unrestricted access to those who desire to sell their products, while buyers are free to choose from a wide range of sellers.
In a government setting, capitalism entails delegating the responsibility of providing for citizens’ needs to companies or entrepreneurs who can meet those needs. For example, providing electricity in Nigeria is challenging due to economic conditions and Nigerians attitudes. The government lacks the funds to generate electricity, and even if they could, there are many hurdles that could prevent it from being used only for electricity generation. Nigerians also have a mentality of wanting to benefit from government-provided services for free, including electricity. Therefore, capitalism in this scenario would entail the government inviting companies, both foreign and local, to provide electricity.
The governor of Kano, for instance, could offer Dangote the opportunity to provide electricity in exchange for payment for a specified duration. Dangote would utilize his resources to generate electricity, and the people of Kano would be required to pay for it since it is owned by the company. If Dangote’s investment is insufficient to produce enough electricity, the government can give other companies the opportunity to provide their own electricity. The people of Kano can choose which company to use, and the companies compete with one another to provide steady and low-cost electricity. The government can then allocate the funds earmarked for electricity towards job creation and entrepreneurial capital. In essence, capitalism allows private companies to provide what citizens require instead of the government providing it for them.
Capitalists believe that if something is required, those who possess the resources to generate it should do so, even if the government cannot. Capitalism is exemplified in the way Bola Ahmed Tinubu governs Lagos since he believes that competent individuals, regardless of their ethnicity or political affiliation, should be given the opportunity to excel.
In the realm of education, capitalism means that every university is autonomous and must find the funds to sustain itself without relying on the government for everything. Schools are allowed to set their own tuition fees, and this creates competition among institutions in terms of affordability and quality education. The government can continue to provide student loans, while schools can expand their income streams by offering ways to generate revenue for themselves.
Please join me in reading part 3 of this article
